王青霞Chris被關押李龍基飽受煎熬 謝雪心：希望佢唔好咁難過
撰文：吳子生
出版：更新：
謝雪心（心姐）今日（26/2）出席《博愛歡樂傳萬家》記者會。提到好友李龍基近日受未婚妻王青霞官司影響精神飽受煎熬。心姐謝雪心接受《香港01》訪問時表示：「其實每一個人遇到家人有變化，一定係好辛苦，希望佢可以過到呢一段時間。基哥，我希望你唔好太過焦慮，因為身體要緊，最緊要保持自己身心健康，希望佢唔好咁難過，明白件事係對佢造成好大打擊，如果佢瞓唔好，精神又唔好，咁佢又點樣可以去面對咁多嘢呢，咁所以希望佢保重身體，要撐住。」