胡楓竟公開力捧呢位41歲最佳男配角做視帝 仲認後輩做「大哥」
撰文：張寧兒
出版：更新：
現年92歲的胡楓（修哥）在演藝圈份量十足，圈中人緣甚好，入行多年提攜過不少後輩，更擁有一班契仔契女，連契仔「歌神」張學友都要在演唱會當場跪修哥。而修哥脾氣亦絕佳，即便被林敏驄公開叫「阿修」都不發嬲，聽後只笑笑口回應，心態正面又開朗。
早前修哥出席袁偉豪張寶兒B仔「袁咕碌」百日宴，與「最佳男配角」林子善一齊拍片，並分享至社交網。修哥一開始就力捧林子善，大讚他是視帝：「各位，呢位係新鮮出爐嘅視帝呀！」林子善即否認：「唔係視帝，係男配角呀！」修哥堅持道：「都係視帝之一呀！」
修哥問林子善感想，林子善多謝修哥十多年來的幫忙及照顧，又自爆多年來修哥竟稱呼他為「大哥」，說罷林子善忍俊不禁道：「聽到我都腳軟。」修哥即場「拜大佬」，笑言：「阿善哥，因為佢好醒目呀嘛！醒目到我要認佢做阿哥。」林子善連連否認：「梗係唔係啦！」