李影離世｜曾與劉松仁有過一段七年情　因脾氣令大家分開

前麗的當家花旦李影今日傳出死訊，享年70歲。李影當年備受力捧，主演過不少劇集，更種下不少情緣，其中一段與劉松仁的七年情最為人印象深刻。

兩年前李影登上楊紹鴻和寶珮如主持的港台訪問節目《一起走過》，被問到有否被同劇男主角追求時，李影就笑稱：「梗係有啦，人見人愛嘛！譬如拍《巨星》，林嘉華追吓我……幾好吖，大家好朋友，唔通要做仇人？大家做同事一齊好玩，追唔一定要好佔有你嗰種，啱唔啱先？」

之後李影更開名講當年男友是劉松仁：「全世界都知咪係劉松仁，最行得耐就係佢。（拍咗7年？）係，網上成日都有寫啦。（因為了解而分開？）都有少少呢啲啦，咁當時大家又細個，大家嘅脾氣、大家做嘢忙……就係咁囉，好簡單，即係好似你同男朋友未必一定唔鬧交，啱唔啱先？（前夫不是這一行？）唔係呢行……我後尾好快結咗婚，好快離咗婚，幾年前佢（前夫）都sayonara（離世），即係人生另外一個階段。」