單立文賀母親大壽享米芝蓮中餐　89歲勁精靈拖實新抱胡蓓蔚合照

現年64歲的單立文（豹哥）與胡蓓蔚今年結婚踏入16周年，兩人婚後一直恩愛，昨晚（21日）胡蓓蔚在Instagram限時動態上載了為奶奶慶祝生日的片段，非常溫馨。

片段中，單立文與胡蓓蔚帶母親品嚐米芝蓮一星中菜，單立文更為母親準備一束花。胡蓓蔚在IG表示：「嘩！咁靚嘅花，今日係我奶奶嘅90大壽。」單立文即睩大眼澄清：「89呀！」胡蓓蔚則繼續說：「我哋上海人係做虛㗎，虛齡其實係㗎喇！」兩人互動搞笑又有愛。

單立文母親收到花後開心得起身蹺著兒子手臂合照，其後更與新抱胡蓓蔚拖手合照，兩婆媳關係非常好。單媽媽雖然年近90歲，精神極佳又精靈，穿上中式旗袍突顯雍容華貴一面。