武林｜高海寧演武林高手舞雙刀 劇接劇冇時間練功：會追返進度
撰文：吳子生
出版：更新：
高海寧（高Ling）今日（21/2）現身電視城出席無綫（TVB）新劇《武林》造型記者會。高Ling透露在劇中飾演一位舞雙刀的武林高手，有不少動作場面，大讚過足戲癮。她受訪時表示：「其實我知好多人已經練咗好多好多個月，由我拍緊劇集《飛常日誌》嘅時候，佢哋已經練習緊。就係因為我拍緊劇集度唔到期，加上之後我又好忙，變咗我係冇乜機會去練習，只係上過兩堂就冇去到。頭先仲見到師傅，佢話我仲未去佢度練習，我就同佢解釋因為工作嘅問題去唔到。不過之後我都會追返個進度，令到拍攝能夠順利進行。」