陳惠敏久別逾70年終回鄉探親祭祖　手持煙仔講話無懼肺癌極有威望

現年80歲的陳惠敏縱橫電影界數十載，多次在戲中飾演江湖大佬深入民心。陳惠敏雖已淡出幕前，但江湖地位不變。早前農曆新年，陳惠敏回鄉下廣州嘉禾祭祖，探望鄉親父老，受到眾人簇擁，在家鄉相當有威望。

從網民曬出的片段可見，鄉親舞龍舞獅歡迎陳惠敏。眾人站在陳氏祠堂前，陳惠敏則站在中間，穿上西裝褸，戴Cap帽及手持柺杖，聲如洪鐘，精神奕奕。陳惠敏高興地表示，「我離開咗鄉下70幾年，今日返嚟鄉下，見吓我哋兄弟，拜吓我哋嘅祖先，係我呢生人最榮幸嘅一日。」

另一條片中，陳惠敏於年初二拍片，他稱回到出生地特別開心，「返到嚟見到咁多叔伯兄弟、姊妹，對我嘅熱情、對我嘅歡迎、對我嘅尊敬，我感到非常榮幸。」陳惠敏霸氣地手持煙仔說話，似乎已無懼肺癌陰霾，身體康復不少。