胡楓爆契仔張學友冇上門拜年嬲爆：快啲嚟呀！
撰文：吳子生
出版：更新：
胡楓（修哥）和薛家燕（家燕姐）今日（12/2）年初三現身沙田馬場出席《農曆新年賽馬日》。被問到契仔張學友有否上門拜年？修哥受訪時表示：「佢就冇嚟拜年，但就有用短訊向我拜年恭喜我。講起佢冇嚟同我拜年，我真係嬲到咳⋯⋯咳咳。（使唔使喺呢度同學友講兩句？）快啲嚟呀，去完國內巡回演唱會就返嚟一齊食飯啦。（係咪會畀封大利是學友？）吓，佢畀封大利是我？咁啱喇，哈哈！」
家燕姐接著笑說：「阿修哥佢真係好精靈，我年初一說同修哥佢就拜年，佢真係親自返覆畀你，會同你講新年快樂，呢個係我㗎值得去學習。」修哥又說：「我今年年初一，我係收到成2百幾個短訊，我係由朝早覆到下就都覆唔切。」