廉政行動 ｜羅子溢過於慈父怕愛女誤入歧途　新劇原與鄭啟泰合作

羅子溢今午（7日） 出席新劇《廉政行動 2024》拜神儀式，此劇是他前年簽約做親生仔後首部作品，他表示今年應該會比較多作品，有機會忙到9月，又笑言自己是「養兵千日，用在一時」，又解釋去年因出埠拍《家族榮耀》，之後到老婆拍劇，於是自己要接捧照顧仔女，而老婆昨日終於放假回港，一家四口齊人過年。

講到一對仔女，羅子溢表示：「個女喺我帶領下，特別有性格，好似都係媽媽帶領會好啲，我驚我會令佢誤入歧途。我其實對佢嚟講係玩具供應商，佢而家會『爸爸，我想要咩咩咩，你幫我買』佢表達得好清晰。」

日前突然離世的鄭啟泰原本有份為劇集演出，現在其角色需要找人頂替，羅子溢表示因老婆關係而與對方認識。「佢係好健談、好樂觀嘅人，嗰日聽到消息時，我哋兩公婆個心都好唔舒服，因為老婆拍緊套劇都同佢有合作。」