《聲夢2》任暟晴已獲3間大學有條件取錄　慶祝完18歲生日即閉關

《聲夢2》冠軍任暟晴（Jasmine）上月迎來18歲生日，其粉絲今日（4日）為佢舉生生日派對。

雖然正式踏入18歲，但Jasmine似乎無慾無求，除咗無特別要求父母送大禮之外，連生日願望都係想開心啲。「因為我諗嘢比較負面，所以希望自己開心啲，方法就係同朋友出街。」不過由於Jasmine 要準備考大學，所以過埋呢個生日派對就要閉關到5月，為怕fans掛心，她考慮有空檔時拍vlog 。

問到心水大學，Jasmine 透露已收到offer ，但仍要看接下來嘅考試表現，她笑言壓力因此會少一些。「我報咗港大、中大同科大，三間都有俾offer ，但科目我就唔講住，起碼知自己唔會無書讀。」而處理好大學事宜後，Jasmine預告5月將會重新接Job，並表示「有嘢可以期待」。