中年好聲音2｜陳蒨葶病足成個月嚴重失聲 「睇極醫生都唔好」
撰文：吳子生
出版：更新：
無綫歌唱真人騷《中年好聲音2》，今日（3/2）於將軍澳電視城舉行宣傳造勢活動。其中參賽者陳蒨葶都有出席。提到即將進入12強淘汰賽，陳蒨葶受訪時就透露自己病了足足一個月。
+5
陳蒨葶：「我好相信每一位參賽者都有自己嘅信心，同埋會唱好自己嘅歌，但明白到有好多嘢都控制唔到，唯有拼盡全力去應付。不過呢排天氣好飄忽好唔穩定，就好似前排，我係病咗成個月，要中西合璧咁睇醫生，但睇極都唔好，過程好慘好辛苦，仲要失聲成個禮拜。」
但陳蒨葶慶幸錄影嘅時間比較長，有時間休養。「因為過往我哋錄影係好密集，變咗就冇時間畀我哋休息，而嗰次錄影時間長，變咗係錄影前，我就好返啲，所以影響唔係太過嚴重。」