【須藤凜凜花】總選舉公佈結婚心碎滿地　直擊粉絲由一變零

AKB48忠粉每年的大日子，當然就是決定人氣排名的總選舉，今年雖然冇得入場支持偶像，但熱情豈會這麼容易退卻，NMB48的須藤凜凜花今年的排名爆升，亦係全靠一班粉絲chok出無限金錢買碟投票支持，但偶像……在台上……宣佈拍拖……更說將會結婚……。

話說須藤有粉絲於3月已在Twitter開了個戶口叫「須藤凜凜花總選舉對策室2017」，在關東和關西成立速報會場，十足特首選舉般做好準備，吸引了千多個followers，亦可見他們的熱情，貼滿海報、橫額支持偶像，出錢出力又出車，為了通宵作戰連飯都冇啖好食……六個鐘、五個鐘、四個鐘……終於等到總選舉開始！好開心呀！須藤凜凜花由44位升到20位！咦？佢講乜呀？結婚？唔係呀嘛……之後這Twitter便沒有再更新……而你終於明白點解秋元康唔俾AKB48拍拖。