顧定軒爆素顏頹廢Look攞衫 店員認唔出︰好彩冇嚇親佢
撰文：吳子生
出版：更新：
顧定軒（Zeno ）今日（31/1）現身荃灣，出席J2《我們家的料理》煞科。Zeno 受訪時表示：「今次呢個節目好有趣，我哋會煮嘢食之餘，當中仲會有劇情去推進，連繫住十集。咁我喺節目入面係叫做阿志，飾演一位隱世廚神，講我本身係有社交恐懼症。同現實嘅自己有啲相似，都鍾意深閨，匿埋喺屋企。」
Zeno笑指個性比較隨心，沒有偶像包袱，連出街都會素顏示人，不怕旁人指指點點：「其實我出街係好隨便，係好頹嗰隻。最好笑有一次我去借衫，成個樣好頹廢冇化妝，入到間店鋪，有位職員見到我咁嘅樣，認唔到我，問我有咩需要幫忙，我就話嚟借衫。跟住佢就望咗我一陣，然後先發覺係我，仲解釋話平時見我都唔係咁。搞到我都覺得幾好笑，自己都明白平時出騷都係着靚衫同有造型，佢唔認得我都係正常嘅事，好彩冇嚇親佢。」