黃建東大讚王青霞畫作像真度高：如果有一幅就好

黃建東今日（26/1）現身將軍澳電視城出席《慈善星輝仁濟夜》項目排練。黃建東透露今次第一次為仁濟擔任司儀，份外興奮：「其實做司儀都做咗2年嘅時間，自己都好想令夠喺新嘅一年中，想自己主持一個屬於自己嘅節目，呢個係我嘅心願。過往我畀人印象係一個搞笑嘅形象，變咗我想做一個感性嘅真人騷，想畀另一面大家睇到。（有冇同曾志偉提出？）其實我都準備去傾吓，將我嘅諗法講畀佢聽，睇吓成唔成事。」

對於李龍基受未婚妻Chris是非纏身，黃建東表示都有留意相關新聞：「我之前上節目嘅時候，係有同基哥合唱過歌曲。而阿Chris我喺活動上係見過面，但就唔識，都只係打過招呼。（Chris啲畫作靚唔靚？）啲畫係靚嘅，同埋個像真度好高。（想唔想佢送畫畀你？）佢啲畫好靚，如果有一幅就好。」