著名堪輿學家麥玲玲師傅龍年經濟預測：屬火行業睇高一線
撰文：吳子生
出版：更新：
香港著名堪輿學家麥玲玲師傅今日（25/1）現身電視城出席無綫賀年節目《2024風生水起》宣傳活動。提起龍年經濟預測，麥玲玲師傅接受《香港01》訪問時表示：「睇今年立春八字係古怪啲，要有啲好冷門又奇怪嘅嘢先至能夠突圍而出，變咗熱門行業又有咁著數，同埋啱啱轉咗大運，加上龍本身係會上高山，又落海潛水，變咗無論投資市場或資本市場都會起落特別大。」
麥玲玲師傅續說：「踏入9運，火運嘅行業會著數少少，例如藥物，氣體燃料、又或者一啲有高溫嘅嘢。同埋靚嘅嘢，整容嘅嘢又會出返嚟。變咗新能源嘅嘢，屬火嘅行業係提高一線。」