狀王之王｜王浩信離巢回復自由身 否認主力內地：點會放棄香港
撰文：吳子生
出版：更新：
王浩信今日（24/1）現身觀塘出席無綫新劇《狀王之王》宣傳活動。早前王浩信宣布離巢無綫，結束17年的賓主關係，正式回復自由身。
他接受《香港01》訪問時表示：「而家好多時都要親力親為，慢慢建立緊自己嘅圈隊，而我就要繼續畀心機做好其他作品。（有冇其他公司想簽你？）係有其他公司搵過我傾過吓，但因為我近排都忙緊拍緊其他劇，咁所以仲未有一個明確嘅計劃同邊一間公司合作，而家唯有就見步行步，因為變化都好大，咁要一路觀察吓先。」
被問到回復自由，叫價能力高？王浩信表示：「咁又冇喎，冇乜大分別，希望其他客戶繼續支持我哋，畀多啲空間我哋繼續拍嘢。（主要內地發展？）兩邊，點會放棄香港，我每次返嚟香港同班兄弟姊妹拍嘢，我係好珍惜，亦都用返我哋嘅粵語去演出，對我哋嚟講係舒服，當然演員有唔同嘅語言選擇係會更好。」