《愛·回家》靚女酒樓知客驚現「硬膠樣」　古佩玲外又添一嫌疑人

富商大劉（劉鑾雄）去年開記者會，自爆是TVB處境喜劇《愛·回家之開心速遞》（下稱《愛回家》）觀眾，更提及戲中有女藝人「硬膠樣」，令全城競猜到底誰是大劉口中的「硬膠樣」。近日有網民睇完《萬千星輝頒獎典禮2023》後，猜測是否為「神婆」古佩玲。

大劉所言「硬膠樣」女藝人嫌疑犯又多一人！近日有網民留意到，本月《愛回家》播出一集中，周嘉洛飾演的「金城安」參加發呆大賽，卻驚覺已不如以往能夠長期發呆。周嘉洛特地到無網絡的酒樓等位，嘗試在無干擾情況下練習發呆，當他以為已發呆多時，卻被酒樓知客告知只發呆了一陣，令周嘉洛驚訝又失望。

而該靚女酒樓知客，由於臉容僵硬往度直迫古佩玲，被網民猜測是否為大劉「硬膠樣」。這位靚女酒樓知客名為鄭淑賢，是新一屆的藝員訓練班學員，據TVB官網顯示，鄭淑賢現正就讀TVB藝員訓練班。去年8月一集中，鄭淑賢飾演李莫仇（張詩欣飾）彩甲生意的顧客，早已亮相熒幕。