呂珊自爆無綫拍劇最難係人際關係　曾在化妝間遭嘲諷

呂珊小時候因為爸爸關係，接拍電影以童星身份入行，80年代初期，由酒廊歌手轉型為主流歌手，獲不俗成績。至2000年，呂珊喺朋友推薦下，簽約無綫電視。

日前呂珊接受港台節目《安哥同學會》訪問時，提到當年由歌手轉為演員時，最先被安排在《陀槍師姐II》演出，雖然係做媽媽角色，但呂珊話從來無介意，主持人提到最難可能係心理調節時，呂珊即謂：「唔好意思，最難係人際關係，因為我唱歌淨係需要同樂隊夾，無咩人際嘢。但入到電視台我先深深體會到好難去拿捏關係，因為好多問題。」

呂珊又謂雖然已被稱作姍姐，但在電視台仍隔時被鬧。「譬如趕入去化妝間梳頭，『你係姍姐，做乜自己吹頭？叫人book個髮型師俾你咪得囉』我心諗又唔係需要你幫，都招來說話，當時都諗點處理，結果我笑笑就算。」