肥媽直斥垃圾徵費令天下大亂：垃圾！綠色同黑色膠袋有咩分別？
撰文：鄺鈺瑩
出版：更新：
垃圾徵費原定4月1日實施，政府日前宣布遲至8月1日實施。向來敢言嘅肥媽日前拍片發表對垃圾徵費意見時，直斥「垃圾」，又鬧整件事十分唔環保，她說：「癡線！你唔畀人哋用黑膠袋，要人哋買你嗰啲膠袋，咁你同環保直情係背道而行啦，即係買多啲膠袋啦。」肥媽認為政府應先做分類回收工作，而非將責任轉架到市民身上。
肥媽又指整個垃圾徵費根本無政策可言，又係製造混亂。「你無理由派一架垃圾車，要我丟晒啲綠色膠袋落去，個綠色膠袋識變魔術咩！綠色膠袋同黑色有咩分別？只不過要用錢買，個綠色膠袋邊個做？你唔係為咗賺錢㗎嘛。」