周潤發笑言半馬成績唔達標 將被發嫂扣糧：返去扣返四百
撰文：關穎賢
出版：更新：
《渣打香港馬拉松》於今早（21日）舉行，每年都吸引不少藝人參與，周潤發今年「升呢」參加半馬賽事，衝線一刻引起全場歡呼，時間為2小時28分08秒。
接受訪問時，發哥表示不滿意今次成績，因為時間比上次比賽慢了4分鐘，問到參賽策略，發哥笑言都是留前鬥後，不過總算有交代。問到是否在比賽期間有大批市民打氣，發哥指有跑友為自己開路，亦邊拍照邊比賽。
發哥直言明年會繼續參賽，問到會否參加全馬，他搞笑說：「如果半馬跑到兩個鐘頭，全馬咪跑返兩個鐘頭囉，如果我跑唔到兩個鐘頭咪唔跑。我會練嘅，90零歲就應該跑到，你等等。」發哥坦言很高興見到好多長者一齊跑：「令多啲香港人做運動！」
至於會食咩慶祝？發哥笑言：「豬腸粉。（發嫂冇出糧？）返去扣返四百，一分鐘一百，唔達標今日，食返碗碗仔翅。」另外，講到會否自資拍攝關於跑步的電影，發哥笑言：「做香港阿甘啦，跑勻全世界。」