萬千星輝2023｜林敏驄上台亂講嘢　大膽提鄭裕玲余詠珊：咁快炒人

TVB《萬千星輝頒獎典禮2023》於2024年1月14日舉行，林敏驄、江美儀為「最佳綜藝節目」及「最佳資訊及專題節目」擔任頒獎嘉賓，有林敏驄在場，當然會妙語連珠。他先問江美儀為何拍攝「隱形照隊」，然後竟提到TVB「炒人」。講到綜藝主持要大方得體，他就點名講鄭裕玲（Do姐），江美儀即說：「喂，走咗喇！」林敏驄謂：「走咗？咁快開始炒人喇？」江美儀說：「炒咗好耐喇！」

然後他又問：「咁余詠珊呢？」江美儀面都青：「走咗好多年喇喎。」林敏驄笑稱：「咁大鑊！」他再說：「咁阿曾曾曾……」、「樂……」江美儀即阻止他說「真係唔講得」，林敏驄就問：「總經理點會唔講得！總經理係TVB鎮台之寶！佢仲有個身份，就係我臥底，搵完我做嘢，我拍戲就係咁做主角。」

到《中年好聲音》獲獎後，他又繼續搞笑，說下季拍個節目叫《中年邵音音》，拍邵音音的一舉一動，相信很香艷。