奔跑吧！勇敢的女人們｜黃瀅仴「世界女」角色要大派福利：冇問題
撰文：吳子生
出版：更新：
無綫新人黃瀅仴（Verena）今日（10/1）現身將軍澳電視城出席無綫新劇《奔跑吧！勇敢的女人們》造型記者會。Verena透露在劇中飾演經理人朱敏瀚下屬，為了討好任何人不惜大派福利博取好感：「其實今次我呢個角色設定個性格係傻扮甜，又世界女，又講我好鍾意應酬，但唯獨是我係搞唔掂我上司朱敏瀚，因為講佢個人比較cool，所以我好難向佢埋手。（性感尺度去到邊？）我有睇過啲服裝，性感程度暫時睇比較少女風，加上有啲清爽型嘅衫，咁所以未必會係好性感。當然啦，到時都會睇監製同導演嘅需要，再性感都冇問題嘅，因為演員係要專業，演好個角色係我哋基本責任。」