林超榮設靈｜范莎莎聲淚俱下遺憾見唔到最後一面：好多嘢想同佢講

著名編劇及演員，人稱「超人」的資深傳媒人林超榮上月因血癌逝世，享年 61 歲。喪禮今日（8/1）於紅磡殯儀館設靈，讓親友作最後道別。下午4時半，與「超人」合作過港台節目《開心日報》的范莎莎和余凱祺抵達靈堂致哀。范莎莎接受《香港01》訪問時，不禁落淚：「其實我哋一齊做嘢都有成年時間，我哋一直以來都知佢有3高嘅問題，見到佢個人開始瘦，以為佢減肥成功，到後尾都佢走咗，先知佢咩原因。其實原來一路以來作都收埋自己。（佢有冇病住咁開工？）其實係11月初，我哋係最後一次同佢做節目，之後我哋再見唔到佢，都覺得奇怪，當我哋仲好期待佢會返嚟同我哋做節目嘅時候，我係收到最令人痛心嘅消息，話佢走咗。我當時好多情緒，冇諗過佢會就咁走咗，因為原本我想同佢講我選美完返嚟，好多嘢想同佢講，但講唔到好遺憾。」

范莎莎講起與「超人」生前的往事，不禁落淚。（梁碧玲攝）