林作做爸爸？要求女友直播驗孕　裕美終回應是否孕吐

近日林作大鑼大鼓指女友裕美疑大肚，指她嘔吐大作要睇婦科，仲幫BB改定名。但一直是林作單方面宣布，女主角裕美終有回應。

林作除夕爆裕美「嘔吐及沒來經，主要係睇係咪有左」，更指二人「無任何房事，是驗她有沒有出軌。」及後又聲稱「本人有理由懷疑，和田裕美有孕，尚待醫生確認。也有理由相信本人是經手人。」更指已為小朋友改名：「名字是林詐。」

1月7日晚上林作又再發文：「本人宣佈：將會於明晚11點，公佈驗孕測試結果。明晚測試完，即刻拍片公佈。希望係虛驚一場。我真的很不想做爸爸。」再留言：「你同我聽日好好驗驗。幾個月沒黎M，你仲唔擔心？！」有網友笑稱：「係有左，但bb真係唔系你的 😂」裕美回應指：「個bb唔係佢，係我既。」外界以為裕美正式承認懷孕，但她接受傳媒訪問時卻又稱經期向來紊亂，BOXING DAY去完主題樂園即病倒，問到是否孕吐，她則指已經檢查過並非有孕。