碧咸嫂Victoria分享護膚心得　遭網民質疑假素顏：一睇就知有遮瑕

碧咸嫂Victoria最近推出自家護膚品系列，日前她在Instagram分享護膚心得，為自家產品宣傳，她聲稱在洗澡後素顏狀態之下使用產品，卻被網民踢爆係假素顏。

「一睇就知有化妝，眼影同睫毛膏，咪呃人」、「素顏不過有搽遮瑕膏，你好正我唔係黑粉，但唔好同人講你素顏」，「作為一個前化妝師，好明顯佢有遮瑕啦」。一連串留言都在指Victoria假素顏，有人仲話名人為宣傳產品，都會吹噓有幾大功效，但實際自己大灑金錢去做Facial，皮膚好根本同產品無關。