陳嘉倩貼身上衣短裙仔化身網球少女 惟呢樣嘢出事大煞風景

前無綫新聞小花陳嘉倩，自2017年離巢後便全力發展其幕前工作，涉足多個範疇，無論主持、綜藝、電視劇甚至電影都可以見到她的身影。

此外，陳嘉倩近年仲活躍於社交平台，由以往主打甜美斯文風，到最近開始輕露性感，如早前她就激罕泳裝上陣，分享了一段在室內水上樂園大玩水上設施的影片，雖然外搭一件針織小背心，但鏡頭下事業線若隱若現，反而更添幾分性感和神秘感，成功焫㷫一班網民。

而近日，陳嘉倩又搞搞新意思，更由水上玩到上陸地。片中陳嘉倩化身網球少女，穿上一件白色貼身上衣，上圍激突，下身則穿上一條紅色短裙仔，可愛得來不失性感，加上甜美笑容確是煞食。她寫上：「今年一齊開個好球，接住！#識睇唔識打 #但係網球場入面好興奮 #都係打返羽毛球 #happyfriday」

雖然陳嘉倩稱不會打網球，但見她揮拍動作還是有板有眼，似模似樣。奈何再望落少少，陳嘉倩竟穿上一條肉色、俗稱的「阿婆絲襪」，吸睛度即時大減，認真大煞風景。有網民留言：「以為亮點係。。美腿」、「冇睇錯著埋肉絲。」當然亦有不少網民大讚陳嘉倩又靚又好波。

按此圖輯睇更多陳嘉倩性感靚相：