霍哥拒再談六毫子、阿晶　直言IG已交代：唔想件事發酵

霍哥日前開Live講及六毫子及阿晶的事宜而又引起網民討論，其後他出片道歉，指直播中有令人誤解的部份。他表示，有人誤解他質疑晶媽身份，其實他從頭到尾都沒有講過，再者，將拳酬用呀晶名義捐出的事宜，他坦承事前沒有與晶媽商量，對此令晶媽誤會的話而感到抱歉。日前（31/12）跨年夜霍哥受邀為活動擔任司儀，雖然台上笑面迎人，不過台下的他憂心忡忡。

霍哥接受《香港01》訪問時，談及新年願望，他說：「呢個世界少啲紛爭，經歷咗個疫情，大家身體要健康，呢兩樣嘢好老土，但係好重要。我個人冇咩計劃，我個人嘅展望就係全世界都少啲煩惱，經濟所有嘢都好返少少，希望2024（環境）唔好繼續插，上返啲。」談及2024年的計劃，他打算進修自己，學習一些口才，司儀方面的技能。他說：「大家畀面搵我做，但係有啲講嘢都未係咁壓到台。」

有關早前六毫子及阿晶的事宜，霍哥就表示為了阿晶家人的關係而不願多談。他說：「關於呢樣嘢，我都唔會再公開去討論，我亦都喺IG有個道歉文，講咗我要講嘅嘢，信我嘅我會多謝佢，唔信我嘅就唔信，都唔想件事發酵。」