旁觀者｜王敏奕角色設定要不停灌檸檬水　難忍去廁所：監製預咗

王敏奕今日（29/12）現身將軍澳電視城出席無綫新劇集《旁觀者》宣傳造勢活動，對於她在劇中角色的設定，是在每次查案時，都必須飲大量檸檬水，因為這樣可以有助她查案的能力。被問到是否飲到飽晒？王敏奕受訪時笑言：「我本身都鍾意飲水嘅，因為我覺得飲水非常之健康。而喺戲裡面又要加幾片檸檬就更加好，因為女仔飲得多又可以美白，又可以抗氧化，又有維他命C，所以非常之好。（會唔會飲到一肚水，拍嘅時候要去廁所？）咁都冇辦法，始終人有三急，監製佢哋都預咗，因為個角色係講我要靠啲水衝落去，將啲毒素排走晒，然後令到我敏感所有嘢開返晒，能夠接觸返晒呢個世界嘅訊息。所以拍我飲水呢個鏡頭，我係要大啖大啖咁飲，等啲水係咁衝落去。（飲咁多檸檬水，覺唔覺得拍完呢套劇自己靚咗？）哈哈，都係咁啦！」