張建聲認戀細16年工展小姐被指父女戀　貼舊劇照證確實曾演父女！

40歲的張建聲近日趁聖誕節放閃，認戀24歲的工展小姐曾加晴（Angel），被指是「父女戀」。兩人原來拍拖已經一年半，女方更貼出去年一起過聖誕的照片，又大讚男方幫手拎手袋、綁鞋帶，是「乖乖的小綿羊」，而於《反黑》演霸氣癲喪黑社會招積的張建聲，更宣稱女友是「馴服招積哥第一人」，簡直是超級聽話貼服寵女友，當對方女兒一樣，難怪被說「父女戀」。

不過，大方的張建聲對「父女戀」直認不諱，笑稱「正呀喂」，更貼出21年拍攝《PTGF出租女友》的劇照，原來他確實在戲中跟Angel演過父女！張建聲表示：「其實呢，我一早已經係佢爸爸，喺電影《PTGF出租女友》佢又真係演我個女嘅」，又透露兩人正是結緣於這套電影，相隔一年後在緣分驅使下重遇。

而拍拖雖然已經年半，不過兩人似乎仍處於熱戀期，張建聲冬至、聖誕與女友四圍去玩，亦少不免有「幸福肥」。不過一向玩命式跟住角色時肥時瘦、被網民稱為「港版Christian Bale」的他，就自爆只能放肆多幾日，因為24年開始他又要減肥，今次目標是3個月減30磅！