張繼聰慈父入晒血　輕掃囡囡額頭問︰你今日開唔開心呀？

自從謝安琪在今年3月誕下細女張靖（Karina），爸爸張繼聰經常在Facebook和Instagram放囡囡新相。每次張繼聰望住囡囡不禁流露出溫柔的眼神，果然「女兒是爸爸的前世情人」。適逢昨日颱風「苗柏」襲港，大家收工趕住返屋企，而身為爸爸的張繼聰平日工作極忙，卻有機會借「苗柏」提早返屋企陪仔女。

昨晚張繼聰在Facebook及Instagram都分享抱住囡囡的合照，亦分享與囡囡的談心短片。在片中，聽到張繼聰一邊輕掃囡囡的額頭，一邊問道︰「你今日開唔開心呀？」只見Karina「伊伊呀呀」，經已氹得爸爸好開心！張繼聰亦留言寫道︰「當你鍾意講嘢到達咗某個境界⋯⋯連兩個幾月大嘅女仕都會回應你。」其實作為爸爸，囡囡就算只是以一個笑容做回應，爸爸個心都甜到漏！有網友留言問︰「係咪已經連續同KarinaBB講左（咗）幾個鐘頭？痴漢爸爸」，又笑言︰「好似爸爸開心D喎…」相信張繼聰對住囡囡一啲都唔怕悶，仲嫌唔夠耐添！雖然大家見唔到媽媽謝安琪，但大家都讚囡囡好可愛，好似咁靚女！