鄭欣宜聖誕上載與肥姐合照 沈殿霞緊牽女兒上台：呢排成日夢見你
撰文：洪曉璇
出版：更新：
自今年3月紅館個唱後，鄭欣宜疑因抑鬱症復發絕跡幕前，社交平台最後更新已是4月尾，Joyce經理人林姍姍曾回應︰「Joyce的確係病咗，療傷之中。」近日欣宜終更新IG，繼2個關於配音工作帖文後，聖誕節凌晨她分享一張小時候與肥姐沈殿霞的合照，令人不勝唏噓。
12月25日凌晨，欣宜上載與逝世15年的亡母肥姐沈殿霞的合照留言：「聖誕節係一個與家人同你愛嘅人度過嘅節日。可能因為咁所以呢排成日夢見你。我地要好好珍惜同親人一齊渡過嘅每一個機會。Wishing you all, a very happy Christmas from my family to you.」照片中小欣宜戴住聖誕頭飾，與肥姐母女裝在舞台上，肥姐緊緊拖實欣宜，令人感慨。