謝婷婷笑四哥chok住拍《賭城群英會》 父親節準備送衫當禮物

撰文:溫菁莉
出版:更新:

謝婷婷下午以剪綵嘉賓身分出席Fred珠寶店開幕禮,提到下星期就到父親節,同爸爸謝賢關係非常好嘅婷婷透露爸爸當日唔系香港,之後會同對方補祝,咁到時會送咩禮物比爸爸呢?謝婷婷笑言爸爸鐘意收3樣禮物,「一系錢,二系樓,三系衫。樓同錢我又送唔起,留返俾哥哥送。我唯有買衫俾佢。」
講到四哥主演的劇集《賭城群英會》就快播映,謝婷婷就話當時都有去探班,但期間忍唔住爆笑,「因為佢一action就開始chok,我就開始笑,當時避免影響佢,我匿埋系後面睇。」婷婷話小時候有睇過爸爸做嘅《千王之王》,但有一幕四哥斷咗隻手,佢即刻喊住打俾對方,「爸爸一聽到我電話問我做咩,我話你係咪斷咗隻手,佢話我鋤緊dee呀。」婷婷笑言一知道爸爸玩鋤dee,證明無斷手,立即放下心頭大石。現時忙於拍攝電影嘅婷婷,她透露仲有一個月就煞科,之後會到L.A上演藝課程,睇黎到時系Instagram又可以睇到婷婷與男友Jeremy Renner嘅放閃相。