陳偉霆身價4年狂飆100倍 傳收過億片酬直逼鹿晗
撰文：郭敏玲
出版：更新：
2003年憑着一首《Ra Men Song》發迹，贏得新秀歌唱大賽金咪大獎的陳偉霆，現年31歲的他撈得風山水起，在內地爆紅成為新一代小鮮肉。有幾新鮮都唔重要，最重要就係他自從在內地發展之後，身價直線飆升，由100萬升到去5000萬，有傳最近更有人開價9000萬，搵佢拍電視劇，即是話幾年間，身價已經升近100倍，成為當今最高人工嘅香港男藝人，這個消息不止震驚700萬人，更震撼整個中國！
講起陳偉霆，除了有的士陳之稱，他的人生簡直是曲折離奇！前女友Angelababy與黃曉明相戀之後，外界指男方是第三者，一直被媒體追問。問到黃曉明知否陳偉霆是誰，他一臉認真回答：「而我不知道陳偉霆是誰。」這個極度真實的回應，就被網民瘋傳，一見到陳偉霆，配合度高、一致地說：「唔知係邊個！」簡直是曲直難分，講到而家都仲有人講緊，搞到佢2012年要出埋首歌《我是誰》自嘲，有人更覺得這都是陳偉霆的內心自白，在香港發展貌似停滯不前。
不過他今時不同往日了，自從2012年往內地發展，人氣開始急升。他先從外形入手，開始韓風打扮，營造hit爆小鮮肉風格，呢招當然非常work喇。於是陳偉霆一劇接一劇，開始有代表作，如《少年四大名捕》、《老九門》，仲由「的士陳」改變成為「陳等等」、「大王」，真係成個人都唔同晒，脫胎換骨了！
陳偉霆身價快將破億，目前已經與內地一線小生吳亦凡、鹿晗睇齊，真的不容忽視。據知陳偉霆未來工作依然爆滿，檔期排到去出年，仲要太多人搵佢拍劇，前前後後都已經推咗廿幾套劇，名副其實賺錢賺到手軟。如果大家依然懷念以前嘅陳偉霆，click文末的YouTube可以了。
+3