專訪｜丁子朗強心臟處理負評變正評 放手一搏跳出舒適圈圓idol夢
無綫（TVB）與內地合辦的選秀節目《亞洲超星團》，於上月25日正式首播，65位超星練習生中香港佔了9位，而9位香港代表更引起網民的熱討，不乏話題性。而其中一位參賽者丁子朗（Karl）就接受了《香港01》的專訪，親自剖白了參賽原因，當中參加的原因更不禁讓人濕了眼眶。
丁子朗於2016年隻身從加拿大回港參加香港先生選舉，他成功奪得亞軍而加入TVB，加入TVB後他一直於演員及主持兩邊走，但今年，他突然決定離開舒適圈，認真當一次idol。他接受訪問時亦提到當年年紀還小的時候就已經去參加選秀，當時他參加了韓國娛樂公司的面試，但可惜當時的他未能入圍，而與他同一年去選秀的友人，現在已經成為了紅透半邊天的女團成員。
丁子朗說到加入TVB後一直忘記了自己有個夢想是希望在舞台上唱歌跳舞：「因為一嚟到已經係主持同演戲，咁冇機會唱歌同表演就好似遺忘咗，咁但係聽到呢個機會，我係25歲，最後一年啦喎當時，唔參加冇得參加㗎啦喎，就不如真係去參加下啦，咁就試下啦！」當他參加了比賽後，他便開始想comfort zone的事，他坦白當時去了內地半年參加比賽，那段時候他是沒有收入的，他說當時只能回到香港拍戲及接主持工作。
他表示覺得自己還是20幾歲，所以可以放手一搏，去嘗試一下圓一下idol夢：「如果唔試的話，我驚到時再冇啲咁嘅資本啊。資本即係我嘅時間同埋青春有限，再唔做就冇。咁所以盡地一搏試吓囉乜都，因為我都冇咩可以放棄，咁因為我本身有啲嘢都唔係特別多，由頭再嚟過咁樣。」而丁子朗更希望可以藉住他這個故事而感染其他人：「never too late，to step out of the comfort zone。」
除了曾經有一個「舞台夢」令他想參加比賽外，亦有一個比較傷心的理由令他想參加比賽，就是他的嫲嫲，大家都知道丁子朗自己從加拿大回港，其他家人都在加拿大。近年因為疫情問題，他已經很久沒有回去，直到年初，他回加拿大探親時，他的嫲嫲因為年紀大了，已經開始有點認不到他：「佢有少少失智症，佢都唔係好認得我，但係佢會認得電視上出現嗰個𡃁仔，嗰個丁子朗係佢孫仔，因為佢仲好記得七年前我選香港先生嘅時候，佢係好proud，好自豪有咁嘅孫。」所以他下定決心，要多點在電視上出現，讓嫲嫲可以在電視前多點機會見到自己，說到這丁子朗已經有點傷心：「希望可以有多啲鏡頭可以畀佢記得，個孫仔仲喺個熒幕前面出現緊，佢仲有個個孫仔，我唔想佢忘記我！今年返去佢唔認得我啦已經，但係反而認得電視上嘅我。」
在上海訓練期間有沒有想過要放棄？
丁子朗自參加了《亞洲超星團》後，年初便已經到上海進行集訓，經過一系列的唱歌跳舞課後，在舞台上分出勝負。未參加過練習生生活的他，到底有沒有想過要放棄？他聽完後立即說：「有啊！當中去嘅時候我有諗過放棄，放棄嘅原因係頭一個禮拜我覺得好冇喘息嘅空間，連喊嘅機會都冇！」而令他覺得沒有喘息空間的原因竟然是因為這樣？
丁子朗以前在香港的時候都比較獨立，經常一個人獨處，而今次到內地開始練習生生活後，他完全沒有獨處的空間，他覺得很痛苦：「你返到房又有呢一個嘅室友，出到房又有呢一個嘅隊友，返到去又成個團隊，你係連一個人嘅時間都冇，連續半年冇一個係自己嘅時間。咁所以我覺得好唔慣，覺得死啦，我好想自己喺度喊又好笑又好打電話畀屋企人又好，都好想有呢件事。」
之後有一次他忍不住打給媽媽，告訴媽媽有想回香港的念頭，媽媽就勸他：「當你諗返半年之後嘅你。聽日嘅你。十年後嘅你，再回望返今日嘅自己，就覺得其實今日嘅問題都唔係個好大嘅問題。」他聽到媽媽的話後猶如當頭棒喝，就覺得沒什麼大不了，所以就繼續待下來。之後丁子朗慢慢習慣了群體生活，在上海認識了不少朋友，超級大轉變，連他自己都想不到會變成這樣，慢慢喜歡上群體生活，更慶幸自己認認識到不少的朋友，收獲了滿滿的友誼。
作為一個已經出道了7年的「新人」能否保持著初心？
大家都知道丁子朗其實已經出道了7年，雖然未至於紅透半邊天，但也算是小有名氣，他被問到能夠繼續保持初心，他想一想後回答：「我盡量，我真係唔敢講100%但係我到呢一刻嘅為止19歲去到26歲嘅我，我都係keep咗呢個初心。」
除此之外，他亦有跟身邊的朋友說叫他們見到自己開始迷失就要罵醒他：「如果有一日，我真係個人囂咗、冇咗初心、做嘢冇熱誠嘅話你記得一巴車埋嚟。一巴話畀我聽，喂！做緊咩啊丁子朗，點解你入呢一行，點解你做啲咁嘅事情，呢份唔係翻寫字樓9 to 5嘅工作，你可以選擇做其他嘢，點解你做呢一行？點解你要捱更抵夜，你話畀佢聽你嘅原因係乜嘢。」
丁子朗已經叫身邊朋友幫忙監察他，讓他繼續不要迷失，他說幸運地到現在還未有人罵他：「到而家26歲入咗行7年，都仲keep住呢樣想去向前衝嘅呢一個憧憬。」他說到因為不想輸！
丁子朗自從參加了《亞洲超星團》後一直都被外界批評，面對著言論他又會怎樣？
自9月《亞洲超星團》官宣了他們的照片後，一直都被批評妝化得太白這個問題，由陽光男孩變成奶油小生，他坦言一開始自己都不習慣，他提到有一天化好妝照鏡子，見到鏡中的自己都嚇了一跳：「唔係好認得自己，係直情有呢個狀況出現，但坦白講我望慣咗，照得多鏡就OK啦。」他明白到大家未必接受到的感覺，因為一開始自己也有點接受不了，他承認的是雖然外觀上變了，但內心一直都沒有變過，仍然是大家以前認識的丁子朗：「大家慢慢睇呢個節目嘅時候，就會見到內心個丁丁係冇變到。」
接受能力很強的丁子朗面對「負評」，他則用高EQ去解決，他被問到心理質素如何時，他自嘲的說：「坦白講其實我呢，唔知係唔係有啲自虐啦，我好鍾意睇網民嘅comment，即係無論負評又好啦，我真係好鍾意睇佢哋嘅comment，因為全部都係喺我想像範圍以外嘅comment。」
他每次看到評論，都發自內心的謝謝網民，因為給了他不少的建議，丁子朗愈說愈開心，網民的建議他都一概「袋落袋」。就好像造型上，他跟造型團隊一直都不知那一個他才是最合適，所以他一直在找不同的意見來試一下。除此之外，網民亦會看他的表演，分析他每個表情，給予有力的意見，他亦會每個留言都看：「譬如話，佢會覺得你嘅表情動作好似太多喎，喺跳緊舞嘅時候太用力，咁係喎，我跳緊舞嘅時候個樣不自然就係度皺咗眉頭啊，喺度用力啊。」全部的意見都可以讓他下一個舞台表演時更完美。
樂觀的丁子朗一直都被人批評唱歌難聽，而25歲才剛剛起埗的他沒有因此而氣餒，他說：「如果我到30歲嘅時候再唱歌，我可以同人講我學咗5年唱歌啦，到我40歲嘅時候，我學咗15年唱歌啦。其實我覺得唔關個起點係邊度，最緊要你有冇恆心keep住做。」學習態度正確的他亦不恥下問，知道自己的弱點就直接找老師幫忙，希望從中能夠進步。雖然老師連番打擊他，對他滿是質疑：「你肯定你想咁唱歌？你咁樣唱歌第一傷聲，第二唔好聽，第三就係冇人想聽。」但他沒有放棄，一直跟老師說很想學，不努力學習之後就會追不上，最後老師被他的熱情融化了。
對比起早年，唱歌有進步的丁子朗都不禁自豪的說了一句：「我相信5年後你再interview我嘅話，我好有自信咁唱一首好勁嘅歌畀你聽。」
而在跳舞方面，零跳舞經驗的他才起埗，他坦承25歲之後的確有點吃力：「過咗25歲之後係的確有跳兩三個鍾要抖一抖嘅感覺，以前𡃁仔10幾20歲嗰時，跳極都仲係有力㗎嘛。但係而家跳舞嘅時候，真係有少少感到吃力。」所以他亦不斷找個合適的方法去練習，而他亦跟不上內地的節奏，他提到在跳舞房中不斷的練習，練累了就睡，睡醒就繼續，這個體驗讓他覺得很熱血。
過程雖苦，成果卻很甜
我覺得呢個世界有幾多人鍾意你就有幾多人唔鍾意你，好難去prove比所有人睇你有幾鍾意自己，所以唯有將我而家呢個工作，轉做idol嘅工作做好佢，我相信我做好每個工作嘅時候就自然會發光。
點撃睇更多丁子朗嘅相：