【奇妙電視】李尚正提名過金馬獎　唔會諗過檔：做好自己最緊要

奇妙電視開台接近一個月，雖然都依然有人接收不到，不過亦都有人會追住嚟睇。有網民就發現有一位人兄經常出現在奇妙電視的節目，甚至廣告都見到佢，佢就係李尚正喇。至於點解會係咁？事關佢有兩個節目都係做常任主持，包括《香港有寶證》同埋《放試》，而且在接受《香港01》訪問時他表示還有在《身．醫．管》客串過半part，同埋《帶阿媽去旅行》都係佢做旁白，唔只咁，奇妙電影播的兩個廣告唯一信用貸款同埋好彩海鮮酒家都會見到他的身影，認真洗腦！

問到他一個人跑咁多個節目辛唔辛苦，可能因為撞正有線呢排咁多關於資金的新聞他只說：「有心喇，還有糧出。」其實很多曾經是他在有線的同事包括衞志豪，區永權和6號（陸浩明）都已經過檔無綫，唔知阿正又會唔會有興趣跳糟呢？他說：「諗還諗，我覺得都係先做好自己嘢緊要。（無綫有冇搵過你？）冇。（怕唔怕被話出鏡太多？）怕㗎，所以無咩事都唔會露面。」其實阿正除了在有線或者奇妙拍節目，都會拍電影，而且同星爺特別有緣，第一部就是幫星爺做《長江7號》，之後《西遊·降魔篇》都擔任戲份不多的沙悟淨。而且除了做幕前之外，原來佢都有份幫《西遊·降魔篇》做編劇，仲提名埋第50屆金馬獎最佳改編劇本，認真巴閉！