周海媚去世｜黎明8字形容與周海媚關係　曾疑被爆呂良偉打交內幕

著名藝人周海媚昨晚（12日）傳出離世消息，終年57歲。周海媚生前情史豐富，最廣為人知的是她與呂良偉的一段情，兩人曾赴美國登記，未註冊卻誤以為已結婚，大搞烏龍。

黎明與周海媚亦於90年代拍《回到未嫁時》傳出緋聞，12月11日為黎明生日，周海媚的生日是12月6日，兩人同年同月生日，可惜黎明的生日今變成周海媚的忌日。而有傳呂良偉與黎明曾因爭周海媚大動干戈，去年曾有網民於社交網疑揭打架內幕。

Facebook群組「文人多說話」去年有網民發文表示︰「好多年前，揸車入電視城做嘢，當時喺露天停車場，咁啱俾我見到『合震』架寶馬，車入面嗰個係『滅絕』，而車外嗰個係『生哥』，同『合震』口角，繼而動武，應該係爭女。而當打『生哥』狂打『合震』，更向對方表明：以後唔好再搞『滅絕』，如果唔係唔會放過你。之後就拉着『滅絕』走人。」

呂良偉現身陳志雲的節目《志雲飯局》時被問到打交傳聞，呂良偉說︰「我冇動手，都過去，其實我亦都冇去深入追究呢件事。」而黎明早年曾在台灣節目提到與周海媚的關係，他當時表示：「真真假假，撲朔迷離。」