尋味澳⾨｜黎諾懿為澳門拍攝節目重遊舊地勁多回憶：我係澳門人

黎諾懿昨日（8/12）現身澳門出席澳娛綜合呈獻《尋味澳⾨》宣傳造勢活動。講起澳門美食，身為澳門人的黎懿諾就表示：「其實好多人都未必知我本身係澳門人，因為我媽咪係澳門人，以前我好細喺呢度成長過一段時間。每次返到澳門我都必定會食豬扒包，因為嗰種味道第二度係食唔到，同埋豬包就好似同澳門劃咗等號一樣，係分唔開，而我太太嚟到就必食呢度嘅菠蘿油。」

諾懿續指澳門是一個很特別的地方，匯集中西葡的文化的地方，隨處可見到不同舊有風格的建築物及美食：「其實澳門真係有好多特別嘅嘢，都只係澳門先有，咁所以我哋就拍咗個節目，想表達傳承及一新一舊，而我哋就訪問咗16間餐廳，當中有大部份食店係超過咗50年以上的老店，咁所以我哋好想知道，究竟新一代，係咪會承傳，還是佢哋有其他嘅諗法去做其他事，變咗呢一樣嘢，我哋係好想去呈現呢一樣嘢出嚟。變咗今次能夠為澳門拍攝呢個特輯，係令我有一種熟悉感，感覺就好似終於可以返嚟做啲嘢。」
同時，澳娛綜合亦攜手多家澳門本地中小企業舉辦「澳娛綜合聖誕市集」，主要售賣藝文產品、創意手作及節慶小食。為旅客打造集文創、美食和娛樂於一體的濃厚節日氣氛的活動。
活動日期：2023年12月9、10、16、17、23至26、30及31日
地點：澳門十六浦度假村戶外廣場