王令塵與超模游天翼結婚　張艾嘉大讚「新抱」：善良、純潔！

金馬影后張艾嘉33歲兒子王令塵（Oscar）與29歲中國超模女友游天翼拍拖七年，兩人今日（2日）於尖沙咀麗晶酒店舉行婚禮。張艾嘉接受《香港01》訪問時分享喜悅，坦言：「佢哋拍拖好耐啦，對我嚟講，佢（游天翼）一路都係新抱。」

張艾嘉續說：「覺得從此至後我就一個人生活，佢（王令塵）就一切都交畀佢老婆。其實我一路都覺戀愛好容易，相處難，結婚、婚姻唔係一樣咁容易嘅事，希望佢哋（白頭到老）。我哋講好容易，一定要佢哋自己經歷過先知兩個人一齊唔容易。遇到困難，點樣解決都係靠佢哋自己。」

有記者問張艾嘉想不想抱孫，她就表示隨緣。她說：「真係隨佢哋鍾意，順其自然。」王令塵在訪問中感謝媽媽張艾嘉多年的教導養育，張艾嘉也說：「佢不嬲都係一個好聰明嘅細路仔，大家都知道佢經歷過唔好嘅事（指9歲遭綁架事件），但係佢都好勇敢行出嚟，喺正路上面，呢個我係最大嘅希望。唔止要身體健康，我覺得人仲要心地善良。」

張艾嘉也大讚「新抱」游天翼，她說：「善良、純潔，完美分！成日都好開心。」