譚嘉儀自拍派軍糧 新人王原來好大食：食豬扒飯再買厚多士
撰文：林通賢
出版：更新：
譚嘉儀一向受網民歡迎，早前在《不懂撒嬌的女人》唱《陪著你走》，亦成為熱話，她今日在IG上載了一張泳衣照，即令網民瘋狂，想不到一直唱功了得的她，原來都有女神的本錢，但亦有網民認錯了她是阿G.E.M，難得譚嘉儀一點都不介意，更說：「我夏天通常都會影一兩張，啲人話我似G.E.M.都開心嘅，因為都係靚女，大靚女，啲人comment話我個樣，同嗰嘴似G.E.M.，不過身材就冇人話我似喇，哈哈。我冇特別去開邊個海灘，多數就我班朋友啦，不過石澳、大浪灣就少去啲囉，同埋多數平日去。」譚嘉儀還在相中寫下「32C 似40C咁熱」網友快望以為她寫身材，她說：「我喺寫温度呀！因為我唔識打度數嗰個圓圈呀！我唔係寫身材呀！哈哈。。。」
每個女仔都會減肥，不過譚嘉儀就沒有，還自稱非常大食，她說：「我食勁多嘢，我食量多過男仔，其實有肚腩不過遮住咗睇唔到，我由中一開始已經食兩碗白飯，我好鍾意食飯，而家最少都要食一碗，但忍唔到口，嗰陣拍外景，有個女同事話想同我share一盒飯，我話吓！我食得哂喎，都嚇咗佢一跳，亦有次公司canteen我同音樂監製食飯，我哋食完豬扒飯，我仲要買多個厚多士食。」真係想像不到譚嘉儀唱得兼食得。
娛樂圈「事業線」好重要，不過譚嘉儀就不想以此作賣點，她說：「始終我想大家focus喺我作曲同唱歌到啦，去沙灘就得閒先啦。」不少網民覺得TVB給譚嘉儀太少機會，但她並不覺得，她說：「我覺得公司對我唔錯喎，一路都有機會，慢慢咁增多，我係滿足㗎，一路進步緊，自己一年比一年進步，由一開始完全冇歌，上年做新人慢慢有歌推出，我係開心㗎，好多謝公司。」
+1