胡鴻鈞北上開騷台下觀眾無叫講普講話　只求一件事：除衫

胡鴻鈞（Hubert）自從今年初跟星夢完約後，便加盟新公司Sony Music China，之後工作一浪接一浪，北上內地10個城市舉辦全國巡迴演唱會，撈到風生水起，連內地婚宴表演一樣照殺，吸金力驚人。

Hubert今日（23/11）現身港台出席《我們一直都在說故事-五支旗桿等》記者會，就事件接受《香港01》訪問時表示：「其實依家我都係嘗試喺內地發展，而內地呢個地方對我嚟講比較新鮮，咁所以大家可能需要時間去認識我，喺呢段時間要再做多啲宣傳，令到內地嘅朋友了解我多啲。（內地有冇人認錯你係李宇春，叫錯你名？）我未親耳聽過，但就喺網絡啲留言度見到。（你開騷嘅時候，有冇人大聲叫要求講普通話？）咁又冇，因為大家對我身體比較有興趣，通常係叫我除衫。不過我都免疫，我係唔會理。」