潘靜文主持台慶被批無禮貌累細細粒冇獎抽　炎明熹：始終都係經驗

無綫《萬千星輝賀台慶2023》雖然早前已圓滿落幕，但話題不斷。就好似在抽獎環節中，細細粒（陳嘉佳）被主持人聲夢小花潘靜文 (Sherman) 打斷抽獎動作一幕惹起網上熱議，被網民圍插無禮貌：「6號（陸浩明）都係幫嘉賓扭開畀翻張紙人哋讀，佢就爭住讀埋」、「佢整晚搶鏡，唔知乜水」、「潘靜文老是搶別人的話」、「不會做人，搶活」、「感覺就是一個裝老鳥的新人」。不過亦有人指潘靜文年僅25歲經驗少，「後生女冇經驗」。

炎明熹（Gigi）今日（23/11）現身港台出席《我們一直都在說故事-五支旗桿等》記者會，就事件接受《香港01》訪問時表示：「其實我又唔係太清楚。（你冇睇報道？）睇⋯睇⋯睇⋯等我諗吓點對付你先。我有睇TVB 娛樂新聞台。（會唔會打電話慰問佢？）我哋一直都有聯絡嘅，咁所以我相信，始終都係經驗囉，我相信。相信大家都覺得經驗係非常之寶貴，咁所以相信大家都會一齊去指導大家。」