鄧麗欣綵排演唱會一日喊足五次 唱呢首歌爆喊問：點解要咁對自己
撰文：鄧穎琪
出版：更新：
鄧麗欣（Stephy）日前（12/11）開《Therefore I Am》演唱會，只此一場，並且是她相隔16年再開演唱會，當然百般滋味在心頭。Stephy在台上不止一次落淚，包括唱《姊妹淘》及《最後一塊》時，她在騷後訪問時曾表示自己很努力強忍眼淚，盡量在綵排時喊完，不想觀眾畀錢入場睇自己喊。
而前日（19/11）她分享綵排花絮片，有排舞、試衫、練歌、開會等過程，Stephy在綵排過程中顯得相當感性，更被創作總監Oscar大爆一日喊足五次：「佢今日排舞喊咗兩次，Full Run喊咗三次……」她唱第一首《分手的情書》已經喊，不過喊得最多的，一定是Encore部分所唱的Cookies年代歌曲《最後一塊》。Stephy直認情緒起伏大，Full Run喊完又喊，雖然她叫大家不用擔心，但就連自己都嗌救命，又問：「我點解要咁對自己呀？」相信是由於今次演唱會投放了很多自己的想法、情感，所以Stephy難免格外感觸！