TVB台慶2023｜羅子溢力撐楊茜堯回巢拍劇　有望夫妻檔拍古裝喜劇

羅子溢昨晚以灰色西裝打扮現身將軍澳電視城出席《萬千星輝賀台慶》。對於太太楊茜堯即將會回巢TVB拍劇，他接受《香港01》訪問表示：「佢準備拍一套電視劇。」提及早前太太受訪表示會兩公婆其中一個留在家中照顧孩子，他表示：「我哋就唔係刻意安排，不過呢真係咁啱得咁橋，我啱啱拍完戲。跟住佢就12月拍，做吓司機做吓保母。」他繼續指太太一直都很渴望拍劇，並表示：「我喺度佢就會安心啲。」

被問到是否目前會停工三個月照顧家庭，他說：「有時啲嘢做咗爹哋媽咪就要平衡，唔可以話兩公婆都出咗去，對小朋友唔好，我哋兩公婆都有共識！」講到太太之前對於照顧孩子有所抱怨，他笑指：「係會有壓力嘅。我哋仲有一個好處，我都想去休息去接力。我都休息咗兩個月！我都想細路仔見識多啲嘢，我哋都好想改變自己，唔想因為爹哋媽咪嘅受到影響。」

講到會否考慮與太太夫妻檔合作拍劇，他坦言：「我想㗎！不過我希望拍喜劇唔好係正劇，但唔知觀眾受唔受落，打打鬧鬧會舒服啲，拍下古裝戲！」