TVB台慶2023｜李佳芯打破被雪傳聞現身 網民心痛排位靠邊站冇地位

無綫（TVB）《萬千星輝賀台慶2023》今晚舉行，李佳芯（Ali）雖然是無綫視后兼收視保證、觀眾緣極佳，但近幾年經常被指遭雪藏，早失一姐地位。今年台慶前夕，有報道指Ali已一年冇上綜藝宣傳劇集、又冇份拍片祝TVB生日快樂，更連出席台慶的機會都冇。不過今日Ali以行動打破傳聞，她與《中年好聲音》冠軍周吉佩挽手行紅地氈，而去到台慶第一部分，她亦有份出席。

網民見到Ali都好開心，不過她只企第一排的最側位置，令網民相當心痛，指她遭無綫冷待，地位大不如前。第一排中間位置由張曦雯、吳若希、劉佩玥等霸佔，網民表示：「還我Ali！」、「好慘！點解Ali唔係企中間！」、「Ali不如唔好嚟啦，企位仲差過Moon Kelly」此外，雖然近日Ali與周吉佩在旅遊節目《日本18種住法》合作，但也有人認為周吉佩配不上Ali，至少她要跟視帝級人馬行紅李氈。不過有人就覺得，Ali有得出席已經當贏，而且仲企到第一排已經好好。