龍婷、吳大強為台慶唱跳演出 排練時間每日超過10個鐘

不少藝人為《萬千星輝賀台慶》加緊練習當中，而龍婷、吳大強等一班《中年好聲音1》的參賽者亦有參與，他們接受《香港01》訪問時，透露今次是唱跳表演，為了演出理想，要練習超過10個鐘以上，可說是相當辛苦。

在接受訪問時吳大強就透露：「以前我都係唱歌，但今次好似舞台劇形式演出，有唱歌跳舞。（會不會同仔仔吳偉豪一齊表演？）會同佢一齊，但佢唔係同我一齊唱歌。（首次同仔仔台慶同台開唔開心？）梗係開心，佢都好大壓力，希望做到最好。」而在旁的龍婷就表示跳舞不太難：「公司（公司的舞蹈老師）都好有耐性教我哋。（排練時間好長？）會，1300-2400，（超過十個鐘應付到？）唔係淨係我哋，係大家配合。」

另外，提到龍婷早前在旺角麥花臣球場開演唱會好成功，有否想衝出香港以外開演唱會？她就表示：「有機會出去都會出，但呢排啲精力要做台慶表演，完咗一件事先再做另一件事。」而她又透露將會有自己的原唱歌曲推出，我們就拭目以待。