招浩明結婚｜劉丹公開催生B　對香港有貢獻：一定要有咁多生咁多

「TVB富二代」招浩明在處境喜劇《愛．回家之開心速遞》中飾演「英進」為人熟知，日前他與圈外女友Sophia舉行婚禮，多位《愛．回家》演員出席婚禮，可見招浩明圈中人緣甚佳。近來北上在深圳與好兄弟羅天宇、李興華夾份賣雞蛋仔的「龔燁」張景淳亦特地回港出席招浩明婚禮，更難得接受訪問，認真老友。

張景淳同「長腳蟹」呂慧儀形影不離，無論大合照還是食飯都黐到實，相當好感情。而張景淳雖然執正打扮示人，但仍難掩疲倦，離遠都見到他的黑眼圈。不過張景淳依然畀面接受訪問，更稱呼比他早亮相劇集的招浩明為「前輩」。

而被問到有甚麼祝福的說話送給招浩明時，丹爺劉丹竟直接催谷「造人」，丹爺直言：「我唯一希望嘅就係咩呢？就係為香港人口出生率盡一分力。呢個唔使講啦，一定要有咁多生咁多呀！你對香港有貢獻嘅話，我哋冚唪唥都會記得你㗎！」一番坦率言論引來全場爆笑，其中呂慧儀聽到後怕醜掩嘴大笑，張景淳則抿嘴含蓄微笑。