《私人會所》預告太甜被下架　離巢陳潔玲做主角：呢套係寫實電影

早前電影《私人會所》的宣傳片因為題材大膽，有裸露鏡頭，尺度過大所以被Facebook強行下架，出咗街一陣就無得睇。不過幾日前又將條片放返上Youtube俾大家睇，終於唔使做會員就可以睇到條預告片喇。戲中的女主角，飾演「媽媽生」一角的陳潔玲(Christy)在接受《香港01》訪問時表示不擔心因為片段下架而影響宣傳，還說這部戲其實是一部寫實題材的電影，暫定為2B級別，除非過不到電檢。情慾鏡頭只是其中一少部份，而電影內不少場面都運用左好多鏡頭技巧去借位，相信觀眾們會識分辨。

在宣傳片中，看得到Christy都會有一些性愛鏡頭，怕不怕之後會被觀眾定形為這類角色呢？她說：「唔怕呀，我是演員，沒有什麼特定形象。只要角色和劇本有挑戰，可以發揮，我都會努力去演好。其實呢套電影除了講述私人會所，仲有好多關於金融大鱷同埋炒股票的那班人的生活。」不過以前喺TVB拍劇的她甚少會接觸這種場面，拍的時候會不會有困難呢？她指：「尷尬一定有，因為未拍過這類場口，我初頭其實無信心會演到，好彩導演給我信心，做左好多心理輔導。」雖然拍這套電影是關於夜蒲，不過Christy自己從不會去蘭桂坊，因為實在太懶惰喇，住開九龍無乜事都唔過海。至於片酬，話晒呢部都係佢跳出TVB後第一部電影，她說：「拍電影的片酬會比拍劇多，至於幾多就唔方便講啊，總之是一個合理開心的片酬喇。」