【關你家事】麥包八字唔夾父親 險遭遺棄：阿嫲怕我尅住老竇
TVB節目《關你家事》播了第一集，就非常有Noise。事關有網民似乎不太滿意節目表現手法，加插投票環節公審事主，不太公平，甚至指用沉重的節目紛圍勒索觀眾情緒。兩位主持江美儀與麥長青均有留意網上評論，並作出回應，江美儀說：「我們只播出第一集，究竟這些家事發展到後會是怎樣呢？大家可以先看完我們的節目才下定論啊！ 但真心多謝網民留意我們《關你家事》這個節目。」
延伸閱讀：【關你家事】市民家事擺上檯遭投票公審
至於麥包，就有他一番見解。他解釋事主承鋒本來不想在節目露面：「其實承鋒本來唔想上節目，但佢眼見香港好多家庭都有差唔多問題，所以就鼓起勇氣上節目同大家分享，希望可以借到鏡。」麥包又話承鋒與家人商量好，並且有心解決問題，才上節目分享經歷，但節目上所呈現的不是全部：「我哋呢個case都拍咗成2個幾鐘，但最後剪出嚟得20幾分鐘，所以睇電視未必最確實感受到，我哋喺現場都好聽到眼濕濕。」麥包希望觀眾以正能量看待這個節目，解釋投票用意是為了收集意見：「都係想集思廣益，冇錯中國人思想係家醜不出外傳，但有問題真係唔解決咩？所以畀呢個機會佢哋去修補關係，同時都唔想相似問題嘅人重蹈覆徹。」麥包熱切希望大眾可以關注：「如果大家睇完覺得heavy，而唔去解決嘅話，咁將來遇到更嚴重嘅事點算呢？唔係今朝有酒今朝醉，呢套唔係劇，係真實地畀你知道社會上有呢啲事發生。」
麥包憶童年往事 與父親關係疏離
麥包後來睇到，有類似經歷的人，感受就會特別深：「我細個都有類似經歷，所以我都忍唔住分享。」說的就是麥包小時候差點被遺棄的遭遇：「我出世之後，我嫲嫲發現我八字同爸爸唔係好夾，佢就想唔要我，連我阿爸都唔知，後來都反對。（但你係男仔喎。）佢就怕我尅住老竇，所以就話將我畀咗人，之後我媽就堅持我留低，拗咗好耐。其實就係婆媳之間嘅問題，後來我媽就將我過契畀另一個朋友，名義上就係佢照顧我，件事先解決到。」麥包透露幸好長大後才知悉此事：「好在細個唔知，如果唔係我可能會嬲嫲嫲。不過件事過咗冇耐，嫲嫲就過咗身，我都冇理由嬲佢，所以都係想畀大家知，冇嘢係解決唔到，在於溝通。」
麥包多次強調冇嘢係解決唔到，尤其與家人的問題。他在節目有提起過爸爸：「細個我會嬲老竇，點解個個細路可以騎爸爸膊馬，而我冇呢？呢件事我都擺咗喺心幾十年，直到我有仔女，有次一家大細，仲有老竇去迪迪尼，我阿爸就叫抱起我個仔騎膊馬，我第一時間就問老竇：『你睇住條腰呀！』佢就話唔緊要，但我個時已經釋懷咗，原來佢將欠我嘅，還喺我身上。」麥包表示最緊要愛需要及時：「另一件事我想講就係，以前我未攬過阿爸，直到喺醫院，面對離開嘅時候，先第一次攬佢。攬係窩心嘅，但唔想面對呢啲時刻（生離死別）先發生囉，唔好畀呢啲事變做遺憾。」