中年好聲音2｜安雅希挑戰李蕙敏經典金曲　緊張到口震震

TVB綜藝節目《中年好聲音2》將在周日（12日）晚播出最新一集，而新一集將進行第四部曲《26強勁歌金曲淘汰賽》，評審團除了有肥媽、伍仲衡、張佳添和周國豐外，還有李蕙敏（Amanda）暫替陳慧嫻出任評審。是次回合由26強選手輪流獻唱曾於《勁歌金曲》獲獎的歌曲爭入24強，上集已有13名選手獻唱完畢，今集輪到餘下13名選手進行比賽。

李蕙敏向安雅希耍冧

而今集最大睇頭就落在大魔王級安雅希身上，身為實力唱將的她選擇了歌曲《(你沒有)好結果》，而原唱Amanda就在眼前，壓力倍增的雅希獻唱時一度緊張，唱畢後更高呼好緊張！雅希坦言事前不知道Amanda擔任評審：「知道嘅話我就換歌㗎喇。」其在台上Chit Chat時繼續口震震，可想而知她有多緊張！而對於安雅希的演出，張佳添就表示：「我會形容呢個係大步檻過嘅表演，好戥你擔心！」原唱Amanda則搞笑向雅希耍冧：「我真係唔好意思，我令你緊張咗好多。呢首歌本身個Range係闊嘅，你唱Live如果唱得Below得太低，係好難出到個字，尤其係廣東歌，不過我相信你唔咁緊張，係會表現得好好多，加油！」

伍仲衡聽黃劍文演出搖晒頭

另一位實力唱將黃劍文經過頭幾輪比賽後，表現相對平穩，今集他就挑戰天后王菲的《給自己的情書》，周國豐就表示：「你喺Chorus方面嘅處理，我係戥你辛苦，好似同音樂玩緊追逐遊戲咁。」張佳添則表示：「三拍歌其實好少咁用力去唱，結果你（演出）同編曲係兩件事，你係一個好有音樂感、音色好靚好入咪、好識唱歌嘅一個人，以上全部都係讚，但係唯一最大問題你係用錯演繹方法。」

另外，今集亦有感人故事出現，獻唱《情深說話未曾講》的林偉璣坦言這首歌是獻唱給家人聽，他表示：「唱『仍然在遠方，追我夢與想』時，第一時間已經係諗起爸爸媽媽。」他透露父母一直很支持他追夢：「佢哋好支持我，不論我年紀幾大都好，喺佢哋眼中我仍然係好細嘅小朋友，呢首歌係真心送畀佢哋，想同佢哋講，放心啦，我會繼續努力追尋我嘅夢想，我會唱更加多嘅好歌畀你哋聽，I Love You。」今集將會有兩人被淘汰，我們就拭目以待。