周吉佩遊韓國同「小三」合照　隔空同太太示威：我都有

周吉佩（吉吉）早前獲邀到韓國KBS電視台參加《ABU TV Song Festival 2023》，趁空閒到處遊覽打卡，並在IG晒出同「小三」情侶裝甜蜜合照，寫道：「你有男神朴叙俊好叻咩？我夠有最靚小三，仲襯埋情侶裝，死未？」意圖隔空同太太示威。

吉吉今日（7/11）現身將軍澳出席《善心滿載仁愛堂》記者會，接受《香港01》訪問笑說：「其實我太太佢就好鍾意朴叙俊，同埋好鍾意煲佢啲劇，而我個日行行吓街咁啱見到韓素希，見到好靚喎，於是就影咗張合照，然後send咗畀我太太，同佢講我都有啦，但我太太佢都覺得韓素希佢演戲好叻，同埋好靚。（你出埠做嘢，你太太擔啱擔心你會受引誘？）冇嘅，唔會有引誘嘅，因為我係絕緣體。不過太太佢主要係擔心我嘅衣食住行，因為本身我都幾依賴佢，原先呢個去韓國做嘢，我係有叫埋佢去，但佢夾唔到個時間，所以冇去到。」