方健儀買二千萬豪宅後再置業　赴日做包租婆︰270度靚景心曠神怡

前TVB新聞主播，現職傳媒人兼KOL的方健儀，離開主播檯後始乎愈來愈富貴，繼去年聖誕分享開箱影片，入住近二千萬大圍新樓柏傲莊後，近日又宣佈再做業主，遠在大阪購入民宿放租做埋包租婆。

方健儀與丈夫洪楚恆於2020年斥資1,850萬元，購入「柏傲莊I」一個754呎三房兩廁單位，早前又再入手，與家人在日本大阪西區千代崎二丁目置業，買入約300呎一房一廳單位用作經營民宿，離鐵路相當近往心齋橋僅數分鐘，租金回報率可達5%。

她親自飛赴當地拍攝收樓開箱影片，興奮分享：「開門好驚喜已有齊裝修及傢俬，仲有日本品牌電器。間屋最特別係『冇電視』，而係用超大投影機，將影像射落幅牆度，好似入咗戲院咁。當然，我嘅最愛仍然係洗衣機同浴室寶，幾粒鐘乾晒啲衫，唔洗噏住啲臭衫返香港。出到呢個超大露台（露台面積係唔計入單位㗎），270度靚景，真係令人心曠神怡㗎！」方健儀又透露明年與老公到當地度假可以入住：「洪生同我都Book咗機票明年春天去大阪，順便賞埋櫻，到時梗係住返喺自己地方啦！」